Verðbólga, mæld á tólf mánaða tímabili, er 1,1% á evru-svæðinu og hefur ekki verið meiri í rúm þrjú ár. Á Ítalíu ríkir verðhjöðnun en það hefur ekki gerst í tæp 60 ár eða frá árinu 1959.
Hagstofa Evrópu birti tölur um vísitölu neysluverðs í desember í dag og hefur verðbólgan aukist mjög á milli mánaða. Í nóvember mældist verðbólgan 0,6% á evru-svæðinu en er nú nær verðbólgumarkmiði Seðlabanka Evrópu (2%).
Í Þýskalandi mælist verðbólgan 1,7% og fyrir árið í heild ríkir verðhjöðnun á Ítalíu. Það þýðir að verð lækkaði þar í fyrra og nemur lækkunin 0,1% milli ára.