Íslenska ríkinu hefur verið stefnt fyrir héraðsdóm vegna þess sem talið er of víðtækur einkaréttur ÁTVR til smásölu áfengis.
Það er víninnflytjandinn Sante og franska vínfyrirtækið Vins Divins sem eru stefnendur málsins, að því er fram kemur í umfjöllun um mál þetta í Morgunblaðinu í dag.
Í stefnunni er á það bent að Íslendingar geti keypt vín af erlendum vefsíðum vínfyrirtækja, svo fremi sem vefsíðan er vistuð erlendis, og teljist það lögmætt. Hins vegar sé ekki svo ef vefsíðan er vistuð í Reykjavík.