Hagvöxtur í Kína ekki minni í 26 ár

6,7% hagvöxtur var í Kína á síðasta ári miðað við 6,9% árið á undan. Hagvöxturinn hefur ekki verið minni frá árinu 1990 en er þó innan þeirra marka sem stjórnvöld þar í landi gerðu ráð fyrir.

Kínversk stjórnvöld þurftu að beita ýmsum úrræðum til þess að halda efnahag landsins á floti á síðasta ári. Fjárfestingar hins opinbera í innviðum fóru upp úr öllu valdi og bankalán sömuleiðis þrátt fyrir ítrekaðar viðvaranir varðandi miklar skuldir fyrirtækja í landinu.

Er það mat hagfræðinga að nálgun Kínverja gangi ekki mikið lengur og búast við að hagvöxtur þessa árs fari niður í 6,5%.

Í frétt BBC er bent á að þar sem að Kína gegnir mikilvægu hlutverki í heimsefnahag ætti þessi niðursveifla að valda fjárfestum um allan heim áhyggjum.

• Blogga um frétt