Galli í rafhlöðu olli íkveikju
Setja bókamerki
Stjórnendur Samsung, stærsta snjallsímaframleiðanda heims, segja að rannsókn hafi leitt í ljós að gallaðar rafhlöður hafi valdið því að kviknað hafi í snjallsímum af gerðinni Galaxy Note 7.
Samsung Electronics neyddist til þess að hætta framleiðslu símanna, sem var ætlað að keppa við iPhone-síma frá keppinautnum Apple, eftir að ítrekað kviknaði í símum af þessari gerð. Þrátt fyrir að símarnir væru innkallaðir og eigendur þeirra fengju nýjan síma í sárabætur tók ekki betra við því það kviknaði líka í þeim.
Málið hefur kostað suðurkóreska fyrirtækið milljarða auk þess sem ímynd fyrirtækisins hefur skaðast mjög vegna málsins. Undanfarnar vikur hefur Samsung einnig glímt við tengsl stjórnenda fyrirtækisins við fjármálahneyksli sem skekur allt athafnalíf landsins, ekki síst á sviði stjórnmála og viðskipta.
„Okkur miðar í rétta átt“
Tóku upp hanskann fyrir leikskólabörn
Katrín: Jóhönnustjórnin talaði máli Íslands
Bifreið ekið á skrifstofu Útlendingastofnunar
Handtekin eftir að tvö börn fundust látin
Myndir: Reynir við heimsmet í Hlíðarfjalli í dag
Áköf mótmæli í bandarískum háskólum
Fiskikóngurinn: „Mér fannst sárt að heyra það“