Breska flugfélagið EasyJet hefur sent frá sér afkomuviðvörun þar sem fall breska pundsins er meira en spá flugfélagsins gerði ráð fyrir í kjölfar ákvörðunar Breta um að yfirgefa Evrópusambandið.
Talið er að veiking pundsins hafi þau áhrif á afkomu EasyJet fyrir árið í heild, fyrir skatta, að hagnaðurinn verði 105 milljónum punda, sem svarar til 14,8 milljarða króna, minni en gert var ráð fyrir. Fyrri afkomuviðvörun fyrirtækisins, frá því í nóvember, gerði ráð fyrir að hagnaðurinn yrði 90 milljónum punda minni en áætlanir gerðu ráð fyrir árið 2017.