Kaupir og selur í Sjóvá á einum og sama deginum

Félag Tómasar Kristjánssonar, stjórnarmanns í Sjóvá, Sigla ehf., seldi alla hluti sína í tryggingafélaginu í gær fyrir ríflega 470 milljónir króna. Félagið var 17. stærsti hluthafinn í Sjóvá.

Sama dag keypti félagið Gani, sem Tómas á einnig, hluti í Sjóvá fyrir 276 milljónir króna. Viðskiptin áttu sér stað á sama gengi, 17,8 á hvern hlut að nafnverði.