Vísitala neysluverðs miðuð við verðlag í febrúar 2017 er 439,6 stig og hækkar um 0,71% frá fyrri mánuði. Vísitala neysluverðs án húsnæðis er 390,3 stig og hækkaði hún um 0,59% frá janúar 2017.
Greint er frá þessu á vef Hagstofu Íslands.
Kostnaður við búsetu í eigin húsnæði, þ.e. reiknuð húsaleiga, hækkaði um 1,7%. Verð á raftækjum hækkaði um 19,3% og verð á húsgögnum og heimilisbúnaði hækkaði um 8,8% eftir útsölur í síðasta mánuði.
Síðastliðna tólf mánuði hefur vísitala neysluverðs hækkað um 1,9% en vísitalan án húsnæðis hefur lækkað um 1,0%.
Vísitala neysluverðs samkvæmt útreikningi í febrúar 2017, sem er 439,6 stig, gildir til verðtryggingar í apríl 2017. Vísitala fyrir eldri fjárskuldbindingar, sem breytast eftir lánskjaravísitölu, er 8.680 stig fyrir apríl 2017.