Grímur Sæmundsen formaður Samtaka ferðaþjónustunnar leggur til að lággjaldaflugfélögum sem aðeins fljúga til Íslands yfir sumartímann verði beint til Akureyrar gegn lægri lendingargjöldum. Að Keflavíkurvöllur verði aðeins fyrir heilsársflug. Sagði Grímur einnig að beina mætti þessum flugfélögum á Egilsstaðaflugvöll.

Þetta kom fram í ávarpi Gríms á fundi Samtaka ferðaþjónustunnar í dag. Hann segir nauðsynlegt að komið verði böndum á ofurvöxt í komum ferðamanna til landsins og stuðlað verði að hóflegri vexti og betri dreifingu ferðamanna. Aðgangsstýring sé þar lykilatriði. 

Lausnin felist ekki í hærri sköttum eða álögum á greinina. Grímur benti á að ferðaþjónustan muni skila 90 milljörðum króna í þjóðarbúið á þessu ári og sé það 20 milljarða aukning frá fyrra ári. Ef leitun væri að hærri tekjum bað Grímur stjórnvöl um að „girða sig í brók“ og ná í þá sex milljarða sem taldir eru liggja utan skattkerfisins vegna heimagistingar.

Sagði Grímur að ekki væri línulegt samhengi milli fleiri ferðamanna og bættrar afkomu og benti hann á að framlegð í greininni hefði dregist töluvert saman vegna styrkingar krónunnar. Meginlausnin á vandanum væri betra skipulag með bættri aðgangsstýringu.

Tengdar fréttir

Ferðamenn á Íslandi

Mikilvægt að vera á tánum

• Ferðaþjónusta aldrei vegið þyngra í landsframleiðslu
• Innviðir komnir að þolmörkum
• „Var lengi vel eini vinur ferðaþjónustunnar“
• „Hækkun VSK á ferðaþjónustu er þjóðhagslegt óráð“

» Fleiri tengdar fréttir

• 2 blogg um fréttina

Bloggað um fréttina

• P.Valdimar Guðjónsson: Verðið að stýra !
• Sindri Karl Sigurðsson: Merkileg frétt ef rétt reynist