Lego-límband lokkar fjárfesta

Lego-límbandið er af mörgum talin ein besta uppfinning ársins. Ætlunin var að safna átta þúsund Bandaríkjadölum, eða um 880 þúsund krónum, en hönnuðirnir hafa þegar safnað 1,4 milljónum dala, eða 154 milljónum króna, á hópfjármögnunarsíðunni Indiegogo. Enn eru nítján dagar til stefnu.

Þeir sem styrkja fyrirtækið fá sendar Lego-límbandsrúllur og eru þær á breiðu verðbili. 

Uppfinningin er jafn sniðug og hún er einföld. Á annarri hliðinni er límband og á hinni flötur sem hægt er að festa Lego-kubba við.

Hönnuðirnir heita Anine Kirsten og Max Baslereru frá Höfðaborg í Suður-Afríku. Þar sem átta þúsund Bandaríkjadalir voru taldir nægja til þess að koma framleiðslunni í gang má gera ráð fyrir að 1,4 milljónir dala komi fyrirtækinu vel af stað.

• Blogga um frétt