Reynir Stefánsson hefur tekið við starfi forstöðumanns viðskiptastýringar hjá Opnum Kerfum en hann hóf störf hjá fyrirtækinu 2015 á sviði hýsingar, ráðgjafar og fyrirtækjalausna og er m.a. ábyrgur fyrir uppbyggingu á erlendum mörkuðum.
Reynir hefur starfað í upplýsingatæknigeiranum undanfarin 20 ár sem framkvæmdastjóri hjá Símalandi og Rekstarstjóri hjá EJS. Frá 2010 starfaði Reynir hjá Advania sem forstöðumaður hýsingar og reksturs og síðar sem sölustjóri á hýsingu-, rekstri- og skýjalausnum.
Opin Kerfi hefur starfað frá 1985 og er leiðandi fyrirtæki í upplýsingatækni á Íslandi. Fyrirtækið sérhæfir sig í ráðgjöf og innleiðingu rekstrar-, skýja- og hýsingarlausna ásamt sölu á tölvu- og samskiptabúnaði. Í dag starfa um 100 manns hjá félaginu.