Geir H. Haarde, sem var fjármálaráðherra þegar 45,8 prósenta hlutur íslenska ríkisins í Búnaðarbankanum var seldur S-hópnum svonefnda í janúar 2003, segir það dapurlegra en orð fá lýst að nú, 14 árum eftir að hluturinn var seldur, komi í ljós að stjórnvöld sem seldu þessa eign almennings í góðri trú og í samræmi við lagaheimildir hafi verið blekkt varðandi þátt hins þýska banka í kaupunum.

Þetta kemur fram í skriflegu svari Geirs við fyrirspurn mbl.is en ítar­leg skrif­leg gögn sýna með óyggj­andi hætti að þýski bank­inn Hauck & Auf­häuser, Kaupþing hf. á Íslandi, Kaupt­hing Bank Lux­em­bourg og hóp­ur manna sem vann fyr­ir og í þágu Ólafs Ólafs­son­ar fjár­fest­is notuðu leyni­lega samn­inga til að fela raun­veru­legt eign­ar­hald þess hlut­ar sem Hauck & Auf­häuser átti í orði kveðnu.

„Niðurstaða rannsóknarnefndarinnar er skýr um að stjórnvöld hafi verið beitt skipulegum blekkingum í tengslum við sölu Búnaðarbankans árið 2003 varðandi þátt hins þýska banka í kaupunum. Þessum vel undirbúnu blekkingum gátu stjórnvöld ekki varist enda höfðu þau ekki ástæðu til að gruna kaupendur um þess háttar athæfi,“ segir Geir.

Tengdar fréttir

Rannsóknarnefnd um sölu Búnaðarbankans

Niðurstaða MDE í takt við væntingar

• Telur engan vafa að brotið hafi verið á rétti Ólafs
• MDE vísar kæru Ólafs Ólafssonar frá
• Svörin dekka spurningarnar ágætlega
• „Ákveðin viðurkenning“ felist í spurningum MDE

» Fleiri tengdar fréttir

• 3 blogg um fréttina

Bloggað um fréttina

• Kristbjörn Árnason: Hverjum skal trúa?
• Páll Vilhjálmsson: Blekkingar og bankasala
• Jóhannes Ragnarsson: Ég var barinn, mér var hrint