Fækka stöðugildum um 41 við samrunann

Gert er ráð fyrir því að stöðugildum þeirra eininga sem færast yfir til Fjarskipta frá 365 við samruna fyrirtækjanna muni fækka um 41. Kjarninn segir frá og vitnar í sam­runa­skrá vegna sam­runans sem birt var á vef Sam­keppn­is­eft­ir­lits­ins 10. maí síð­ast­lið­inn. Ekki er tekið fram í skránni hvar á hvaða ein­ingum stöðu­gildum verði fækk­að.

Þar segir jafnframt að gert sé ráð fyrir því að samruninn skili kostn­að­ar­sam­legð upp á rúman millj­arð króna og að sparnaður í launum og starfs­manna­kostn­aði verði um 275 millj­ónir króna á ári.

Þá er gert ráð fyrir því að með samrunanum muni velta Fjarskipta aukast um 8,5 milljarða króna og stöðu­gildum á Íslandi fjölgar um 68 pró­sent, úr 305 stöðu­gildum í 512. 

Fjarskipti er að greiða 7.725-7.875 milljónir króna fyrir fjarskiptaþjónustu 365. Auk þess fara allar sjónvarps- og útvarpsstöðvar yfir til Fjarskipta og fréttavefurinn Vísir.is.

Umfjöllun Kjarnans í heild.

UPPFÆRT 13:32

Fjarskipti hafa sent frá sér athugasemd um fréttaflutninginn þar sem það er ítrekað að fyrri  yfirlýsingar stjórnenda Fjarskipta hf., eru í fullu gildi og að ekki verði hópuppsagnir í tengslum við samrunann. Þessum stöðugildum sem talað er um í fréttinni mun fækka í gegnum starfsmannaveltu á 12-18 mánaða tímabili en ekki með uppsögnum. 

• Blogga um frétt