Ómar Svavarsson, framkvæmdastjóri sölu og ráðgjafar hjá Sjóva hefur sagt starfi sínu lausu en honum hefur boðist starfstilboð á öðrum vettvangi.
Þetta kemur fram í tilkynningu Sjóvár til Kauphallarinnar.
Ómar tók við starfi framkvæmdastjóra hjá Sjóvá í janúar 2015. Ómar starfaði sem framkvæmdastjóri sölu og þjónustusviðs Vodafone frá árinu 2005 og sem forstjóri frá 2009, en hann starfaði hjá Sjóvá frá 1995 til 2005. Ómar mun láta af störfum á næstu dögum en málefni sölu og ráðgjafar munu tímabundið heyra undir Hermann Björnsson, forstjóra Sjóvá.