Skýringin á því að gistinóttum útlendinga fjölgar hlutfallslega mun minna en erlendum ferðamönnum kann að liggja í aukinni ásókn í óskráða gistingu. Þetta kemur fram á vef Túrista.

Á því sviði eru umsvif bandarísku gistimiðlunarinnar Airbnb mikil. Talsmenn fyrirtækisins segjast hins vegar ekki vilja deila upplýsingum úr rekstri sínum á Íslandi á þessum tímapunkti, segir enn fremur í frétt Túrista.

Á síðasta ári komu hingað fjörutíu prósent fleiri erlendir ferðamenn en gistinóttum útlendinga fjölgaði aðeins um 22 prósent á sama tíma. Hlutfallsleg breyting á þessum tveimur lykilstærðum í ferðaþjónustunni var því mjög ólík í fyrra en árin þar á undan þróuðust þær með svipuðum hætti.

Í ár hefur þessi þróun haldið áfram og í ályktun sem Samtök ferðaþjónustunnar sendu frá sér í maí segir að skýringin á þessari breytingu kunni meðal annars að liggja í aukinni heimagistingu sem oftar en ekki sé hluti af skuggahagkerfi.

Í rannsókn sem unnin var fyrir samtökin í kjölfarið kom fram að sala Airbnb á Íslandi hefði nærri tvöfaldast í ár. Talsmenn fyrirtækisins vilja hins vegar ekki staðfesta þessa tölu né upplýsa um hver þróunin hefur verið í umsvifum þess á íslenska gistimarkaðnum í ár þegar Túristi óskaði eftir því.

Hér er hægt að lesa frétt Túrista í heild

Tengdar fréttir

Ferðamenn á Íslandi

Ferðaþjónusta aldrei vegið þyngra í landsframleiðslu

• Innviðir komnir að þolmörkum
• „Var lengi vel eini vinur ferðaþjónustunnar“
• „Hækkun VSK á ferðaþjónustu er þjóðhagslegt óráð“
• Mikill áhugi ferðamanna á þyrluflugi

» Fleiri tengdar fréttir

Airbnb og heimagisting

Grunur um stórfelld skattalagabrot

• Dagur fagnar dómi Landsréttar
• Baráttan við himinháa leigu
• Eftirlit með heimagistingu hert
• Allt að 70% íbúða á Airbnb

» Fleiri tengdar fréttir

• Blogga um frétt