Ætlar að ráða 2.500 flóttamenn í Evrópu

Kaffihúsakeðjan Starbucks ætlar að ráða til sín 2.500 flóttamenn í Evrópu næstu fimm árin. Það er um 8% af öllum starfsmönnum Starbucks í Evrópu en þeir eru í dag um 30.000 talsins.

Starbucks ætlar að vinna með samtökum í átta löndum, þ.e. Bretlandi, Frakklandi, Þýskalandi, Austurríki, Sviss, Spáni, Portúgal og Holllandi en 370.000 flóttamenn settust að í Evrópu á síðasta ári.

Fyrirtækið greindi frá því í janúar að það myndi ráða 10.000 flóttamenn á stöðum sínum um allan heim og voru það viðbrögð fyrirtækisins við ferðabanni Donald Trump Bandaríkjaforseta. Þá ætlar Starbucks að ráða þúsund flóttamenn í Kanada á næstu fimm árum.

Frétt af mbl.is

Starbucks mun ráða 10.000 flóttamenn

• Blogga um frétt