Fyrirtækið Arctic-resources (ARC), sem hefur fjárfest í gull- og sinknámum á Grænlandi, hefur skráð fyrirtækið á hlutabréfamarkað í kauphöllinni í Toronto.
Fyrirtækið er að stórum hluta í eigu Íslendinga. Námunum hafði verið lokað en rannsóknir fyrirtækisins hafa gefið góð fyrirheit og vonir standa til að hægt verði að hefja framleiðslu að nýju.
Gullnáman nefnist Nalunaq og er í Kirkespirdalen á Suður-Grænlandi. Sinknáman kallast Black Angel og er í norðvesturhluta Grænlands.