Yfirmaður hjá Icelandair til rannsóknar hjá FME

Yfirmaður hjá Icelandair var sendur í leyfi frá störfum vegna rannsóknar Fjármálaeftirlitsins (FME) á meintum brotum á lögum um verðbréfaviðskipti. Fjallað er um málið í Markaðinum, viðskiptablaði Fréttablaðsins, sem segir rannsóknina beinast að viðskiptum með bréf í félaginu í aðdraganda þess að afkomuspá Icelandair var lækkuð um 30% fyrr á þessu ári.

Icelandair er sagt hafa staðfest að félagið hafi í lok maí verið upplýst um að starfsmaðurinn hefði stöðu grunaðs í rannsókn vegna meintra brota á lögum um verðbréfaviðskipti. „Viðkomandi starfsmaður fór þá strax í leyfi frá störfum sínum og verður þar til rannsókninni lýkur,“ segir í skriflegu svari Icelandair.

Félagið segist ekki hafa frekari upplýsingar um málið.

• Blogga um frétt