Hlutabréf í Toyota hækkuðu um 1,93% í kauphöllinni í Tókýó í dag og hlutabréf Mazda hækkuðu um1,36% en japönsku bílaframleiðendurnir tilkynntu um samstarf í Bandaríkjunum eftir lokun markaða á föstudaginn.
Toyota og Mazda greindu frá samkomulagi um að fara í samstarf á sviði rafbílaframleiðslu með því að byggja sameiginlega verksmiðju í Bandaríkjadala. Um 1,6 milljarða Bandaríkjadala, sem svarar til 167 milljarða króna, fjárfestingu er að ræða og skapar fjögur þúsund ný störf.
Ákvörðun bílaframleiðandanna kemur á sama tíma og sífellt fleiri ríki ræða um að bílaflotinn verði rafbílavæddur á næstu áratugum. Enda auknar kröfur gerðar til þess að bílaiðnaðurinn verði umhverfisvænni en nú er.
Fréttirnar glöddu Donald Trump, forseta Bandaríkjanna, mjög en eitt helsta kosningamál hans er að draga úr atvinnuleysi í Bandaríkjunum.
MAKE AMERICA GREAT AGAIN! pic.twitter.com/g4ELhh9joH
— Donald J. Trump (@realDonaldTrump) August 6, 2017