Gagnrýndi Trump harðlega en situr áfram í efnahagsráðinu
Setja bókamerki
Doug McMillon, framkvæmdastjóri Walmart, hefur gagnrýnt harðlega viðbrögð Donald Trump, forseta Bandaríkjanna, við ofbeldinu í Charlottesville um helgina. Í skilaboðum sem McMillon sendi til starfsmanna sinna gagnrýndi hann forsetann og sagði hann hafa „afneitað hryllilegum gjörðum hvítra þjóðernissinna.“
Greint er frá þessu á vef Washington Post.
Ummæli McMillon hafa vakið athygli þar sem hann á sæti í ráðgjafateymi forsetans í efnahagsmálum. Sagði hann í skilaboðunum að með viðbrögðum forsetans hafi Bandaríkjamenn misst af mikilvægu tækifæri til þess að reyna að sameinast.
McMillon sagði þó að seinni ummæli Trump þar sem hann fordæmdi hópa hvítra þjóðernissinna væru „skref í rétta átt“.
Þrátt fyrir gagnrýnina ætlar McMillon að sitja áfram í efnahagsráði forsetans að sögn talsmanns Walmart í samtali við Washington Post.
„Það þarf að vinna mikinn fjölda upp“
Tveir í bílnum sem lenti utan vegar
Eyjafjarðarbraut lokað vegna alvarlegs umferðarslyss
„Höfum ekki náð að skríða upp úr þeirri gryfju“
Væri að ljúga ef ég segðist ekki stressaður
Krefjast stöðvunar framkvæmda
Banna mengandi búnað sem leyfður er á Íslandi