Þrátt fyrir himinhá laun og fríðindi í tæknigeiranum eiga fyrirtækin erfitt með að halda fólki innan sinna raða. Í samanburði milli tæknirisanna í Bandaríkjunum kom í ljós að hjá Facebook er starfsaldurinn að meðaltali hæstur.
Þetta kemur fram í frétt Business Insider. Að meðaltali vinna starfsmenn Facebook 2,02 ár hjá fyrirtækinu en á hinum endanum er leigubílafyrirtækið Uber þar sem meðaltalið er 1,23 ár. Ljóst er að Uber á mikið verk fyrir höndum ætli fyrirtækið sér að sannfæra starfsfólk um að staldra lengur við.
Að neðan er listi yfir meðalstarfsaldur tíu stærstu tæknifyrirtækjanna í Bandaríkjunum.
Facebook: 2,02 ár
Google: 1,90 ár
Oracle: 1,89 ár
Apple: 1,85 ár
Amazon: 1,84 ár
Twitter: 1,83 ár
Microsoft: 1,81 ár
Airbnb: 1,64 ár
Snap Inc.: 1,62 ár
Uber: 1,23 ár