WuXi NextCODE, þar sem Hannes Smárason er forstjóri, hefur klárað 240 milljóna dala fjármögnun. Sequoia Capital China sem er útibú frá Sequoia Capital í kísildal í Kaliforníu leiddi fjármögnunina.
Sequoia Capital fjárfesti í íslenska fyrirtækinu Plain Vanilla og hefur komið að fjármögnun fyrirtækja eins og Apple, Google, Instagram, og Youtube.
Aðrir fjárfestar voru Temasek, 3W Partners, and Yunfeng Capital sem í eigu stofnanda Alibaba.
WuXi NextCode var stofnað árið 2015 en starfsemi þess snýst um að nota upplýsingar um erfðamengi til þess að uppgötva virkni ákveðinna gena. Það er staðsett í Cambridge í Bandaríkjunum, Reykjavík, og Sjanghæ. Í heild starfa 350 starfsmenn hjá fyrirtækinu.
Fjármagnið verður notað í vöruþróun, stækkun umsvifa í Kína og til þess að safna meira af gögnum en WuXi NextCode hefur nú fengið fjármagn upp á samtals 285 milljónir dala. Haft er eftir Hannesi Smárasyni að fyrirtækið búi yfir að minnsta kosti 500 þúsund erfðamengjum og er stefnt að því að fjölga þeim í tvær milljónir fyrir 2020. Þetta kemur fram í fréttatilkynningu frá félaginu.