Að undanförnu hefur borið talsvert á fyrirspurnum frá neytendum í tengslum við endurfjármögnun fasteignalána enda hafa útlánsvextir flestra lánveitenda lækkað. Að mörgu er að hyggja í því sambandi og mikilvægt að neytendur séu meðvitaðir um réttindi sín ásamt þeim skyldum sem hvíla á lánveitendum. Þetta kemur fram í tilkynningu.
Hagsmunasamtök heimilanna hvetja jafnframt „lántakendur til ábyrgrar neytendahegðunar enda eru fasteignalán í flestum tilfellum einhverjar stærstu skuldbindingar venjulegs neytanda.“ Þeir eru einnig hvattir meðal annars til að kynna sér vel skilmála um uppgreiðslugjöld, að vera á varðbergi gagnvart skilyrðum um önnur viðskipti.