Fisk Seafood kaupa Soffaníus Cecilsson

Stefnt er að áframhaldandi öflugri starfsemi í Grundarfirði.
Stefnt er að áframhaldandi öflugri starfsemi í Grundarfirði. mbl.is/Sigurður Bogi Sævarsson

Samkomulag hefur verið gert um kaup Fisk Seafood ehf. á öllu hlutafé í Soffaníasi Cecilssyni hf. að því er fram kemur í sameiginlegri tilkynningu frá félögunum. Samkomulagið er gert með fyrirvara um samþykki Samkeppniseftirlitsins.

Fisk Seafood er með starfsemi á Grundafirði og Sauðárkróki og varð til við sameiningu Skagstrendings hf. og Fiskiðjunnar Skagfirðingi hf. árið 2005 en rekja má sögu Fiskiðju Skagfirðinga aftur til miðrar síðustu aldar. Með kaupunum hyggst 

Fisk Seafood ehf. styrkja sig í sessi sem eitt öflugasta sjávarútvegsfyrirtæki landsins og treysta enn frekar fjölbreyttan rekstur í útgerð, fiskvinnslu og sölu sem byggst hefur upp á undanförnum árum.  Ef af kaupunum verður mun starfsemi félagsins skipulögð með það að markmiði að tryggja áframhaldandi öfluga starfsemi í Grundarfirði að því er fram kemur í tilkynningu félaganna. 

Soffanías Cecilsson hf. hefur frá stofnun verið með starfsemi  í Grundarfirði.   Það er mat eigenda félagsins að rétt sé og tímabært að koma fyrirtækinu í hendur aðila sem hefur það að markmiði að tryggja áframhaldandi öfluga starfsemi fyrirtækisins í Grundarfirði, segir í tilkynningunni. 

mbl.is
Svæði

Gagnaveitur

Erlendar viðskiptafréttir