Tæknirisinn Apple hefur staðfest að fyrirtækið hafi ráðist í rannsókn vegna nokkurra tilfella þar sem rafhlöður iPhone 8 þöndust út og klufu símann.
Þetta kemur fram í frétt á Fortune. Þar segir að fréttavefur CNet hafi tekið saman tilkynningar um þess konar galla og fundið færri en 10 tilfelli í Japan, Grikklandi, Kanada, Kína og Taívan. Myndir á samfélagsmiðlum sýna hvernig rafhlaðan þrýstir skjánum frá símanum.
Apple hefur lítið gefið út vegna málsins en sagði í svari við fyrirspurnum um gallann að það vissi um tilfellin og væri að skoða málið.
届いたiPhone8plus、開けたら既に膨らんでた pic.twitter.com/eX3XprSzqv
— まごころ (@Magokoro0511) September 24, 2017