Guðbrandur endurkjörinn formaður LÍV

Guðbrandur Einarsson var endurkjörinn formaður Landssambands íslenskra verzlunarmanna á þingi sambandsins í dag á Akureyri með 72,3% atkvæða. Helga Ingólfsdóttir, varaformaður VR, hlaut 27,7% atkvæða.

Guðbrandur var fyrst kosinn formaður LÍV árið 2013 en hann er jafnframt formaður Verslunarmannafélags Suðurnesja. 

Í ályktun 30. þings LÍV er þess meðal annars krafist að aðkoma stjórnvalda að kjarasamningum verði með þeim hætti að lögð verði sérstök áhersla á hækkun persónuafsláttar með það að markmiðið að lágmarkslaun verði orðin skattfrjáls í lok samningstímans. 

Enn fremur er krafist að húsnæðisliðurinn verði tekinn út úr vísitöluneysluverðs til verðtryggingar. 

• Blogga um frétt