WOW air tryggir fjármögnun út árið 2019
Setja bókamerki
WOW hefur gert sölu- og endurleigusamning (e. sale and leaseback agreement) við flugvélaleiguna SKY Leasing en samningurinn var undirritaður í dag. Um er að ræða sölu á tveimur Airbus A321ceo-vélum, árgerð 2018, en WOW air undirritaði kaupsamning beint við flugvélaframleiðandann Airbus og greiddi vélarnar að hluta árið 2016.
Við afhendingu flugvélanna fær WOW air um 4 milljarða króna. Fyrri flugvélin verður afhent í janúar 2018 og seinni vélin í apríl 2018. Vélarnar verða skráðar og reknar á flugrekstrarleyfi WOW air og notaðar í leiðarkerfi félagsins.
Með þessum samningi hefur WOW air fullfjármagnað rekstur félagsins út árið 2019 að því er kemur fram í tilkynningu frá flugfélaginu. Einnig hefur flugfélagið fullfjármagnað flugvélaþörf sína út 2019 en nú þegar liggur fyrir að félagið muni fá sjö nýjar Airbus-vélar á næsta ári, þar af fjórar nýjar 364 sæta Airbus 330neo-vélar sem munu koma til landsins í lok næsta árs.
„Það er mjög ánægjulegt að sjá hvað erlendir fjármögnunaraðilar hafa sýnt okkur mikinn áhuga sem endurspeglast í hagstæðri langtímafjármögnun á flugflota félagsins,“ er haft eftir Skúla Mogensen, forstjóra og stofnanda WOW air.
Átta morðmál á aðeins tólf mánuðum
Tapa fimm milljónum á dag
Katrín: Jóhönnustjórnin talaði máli Íslands
„Okkur miðar í rétta átt“
Fiskikóngurinn: „Mér fannst sárt að heyra það“
Beint frá Kína
Bifreið ekið á skrifstofu Útlendingastofnunar