Fjölmenni samankomið í Kosti
Setja bókamerki
Fjölmenni hefur safnast í og við verslun Kosts á Dalvegi í Kópavogi. Þar er nú hafin rýmingarsala en Jón Gerald Sullenberger, eigandi verslunarinnar, greindi frá því í gær að hann hafi ákveðið að loka versluninni.
Jón Gerald sagði í tilkynningu, að fyrirtækið gæti ekki keppt við Costco. Því hefði verið ákveðið að loka og halda rýmingarsölu þar sem boðið verður upp á vörur á allt að helmingsafslætti.
Verslunin hefur verið starfrækt frá 2009 og lagði áherslu á amerískar vörur í stórum pakkningum. Verslunin kynnti m.a. vörumerkið Kirkland, sem er helsta vörumerki Costco.
Jón segir að aðstæður hafi breyst verulega í rekstri Kosts þegar Costco opnaði verslun sína í maí á þessu ári.
„Ég held að það sé hleypt inn í hollum,“ sagði einn viðmælandi í samtali við mbl.is sem varð frá að hverfa þegar hann sá mannfjöldann. „Það risu á mér hárin þegar ég sá þetta og ég sneri til baka, hratt og örugglega,“ sagði hann ennfremur.
Veiting hvalveiðileyfis ekki brot á EES-samningi
Beint frá Kína
Tóku upp hanskann fyrir leikskólabörn
Handtekin eftir að tvö börn fundust látin
Skiptir miklu meira máli en fólk grunar
Vona að Orkustofnun veiti ekki virkjunarleyfi
Vélsleðaslys: Þyrlan kölluð út á mesta forgangi