Mesti hagvöxtur á evrusvæðinu í tíu ár

Hagvöxtur á evrusvæðinu tók kipp árið 2017 og hefur ekki verið meiri í tíu ár, eða allt frá fjármálahruninu. Nam hagvöxturinn 2,5% samkvæmt tölum frá Eurostat og er töluvert meiri en 1,8% hagvöxtur ársins á undan. 

Á fjórða ársfjórðungnum óx evrusvæðið um 0,6% og nákvæmlega sömu vaxtatölur fást ef öll Evrópusambandslöndin eru skoðuð. Síðast var hagvöxtur hærri árið 2007 en þá var hann 3%. 

Alþjóðagjaldeyrissjóðurinn tilkynnti í síðustu viku spá um að heimshagkerfið myndi vaxa um 3,9% á þessu ári og því næsta. Iðnríkin myndu einnig búa við gott vaxtarskeið. 

• 2 blogg um fréttina

Bloggað um fréttina

• Ásgrímur Hartmannsson: Hver var fólksfjölgunin á sama tíma?
• Helgi Rúnar Jónsson: Hvar eru nú bölsýnisraddir Evrópusambands andstæðinga..??