Ljósleiðari lagður í Reykjanesbæ

Kjartan Már Kjartansson, bæjarstjóri Reykjanesbæjar, og Erling Freyr Guðmundsson, framkvæmdastjóri Gagnaveitu Reykjavíkur, skrifuðu í dag undir viljayfirlýsingu um að ljúka tengingu við ljósleiðara í öllum hverfum Reykjanesbæjar fyrir árslok 2021, segir í tilkynningu.

Þá er stefnt að því að íbúar ráði förinni við lagningu ljósleiðarans, en röðun hverfa verður á grundvelli viljayfirlýsinga sem bæjarbúar skila inn á sérstakri vefsíðu.

Í dag eru 89 þúsund heimili með aðgengi að ljósleiðara, en það er um það bil 65% allra heimila á landinu. Samkvæmt áætlun munu 6 þúsund heimili bætast við á þessu ári og munu 113 þúsund heimili hafa slíkan aðgang árið 2021.

Nánar á vef Reykjanesbæjar.

• Blogga um frétt