Aðalheiður ráðin yfir sölustýringu Icelandair

Aðalheiður Kristinsdóttir hefur verið ráðin forstöðumaður sölustýringar Icelandair. Deildin er hluti af sölu- og markaðssviði félagsins og annast sölustarf Icelandair um allan heim.

Aðalheiður hefur starfað hjá Icelandair síðan 2006 sem verkefnastjóri bæði í tekjustýringu og við rekstrargreiningar á sölu- og markaðssviði. Áður starfaði hún sem birgðastjóri Hagkaupa, og verkefnastjóri hjá Högum.

Aðalheiður hefur lokið BS-prófi í rekstrarfræði frá Háskólanum í Reykjavík og meistaragráðu í stjórnun og stefnumótun frá Háskóla Íslands. Hún er gift Starkaði Erni Arnarsyni og eiga þau þrjú börn.

• Blogga um frétt