Margrét Gunnlaugsdóttir hefur verið ráðin forstöðumaður vöru- og viðskiptaþróunar rekstrarlausna Advania.
Hún starfaði áður sem vöru- og viðskiptaþróunarstjóri hjá Já, sviðsstjóri þjónustu- og ráðgjafasviðs hjá Wise og rekstrarstjóri tækniþjónustu hjá Íslandsbanka.
Margrét er með BS-gráðu í viðskiptafræði frá Háskóla Íslands og hefur lokið PMD-stjórnendanámi í Háskólanum í Reykjavík.
Í fréttatilkynningu frá Advania segir að viðskiptavinum Advania í rekstrar- og hýsingarþjónustu hafi fjölgað verulega á undanförnum árum og að hlutverk Margrétar felst í að byggja ofan á þá vegferð. Advania nýtur góðs af kröftum Margrétar sem hefur víðtæka stjórnunarreynslu úr upplýsingatæknigeiranum.