Kara connect tryggir sér 180 milljónir

Íslenska nýsköpunarfyrirtækið Kara connect hefur lokið 180 milljóna króna fjármögnun en fjárfestingasjóðurinn Crowberry Capital leiddi fjármögnunina ásamt einkafjárfestum.

Kara connect er vefhugbúnaður sem gerir sérfræðingum í heilbrigðis- og menntageiranum kleift að veita fleiri viðskiptavinum þjónustu og straumlínulaga rekstur sinn, að því er kemur fram í tilkynningu um fjármögnunina. Jenný Ruth Hrafnsdóttir frá Crowberry mun taka sæti í stjórn Köru. 

Fjármagnið mun koma til með að styðja við vöxt Köru connect í Skandinavíu en nú þegar hafa yfir þúsund einstaklingar á Íslandi lokið rúmlega 9000 meðferðartímum hjá tugum sérfræðinga í Köru.

„Verkefnið framundan er frekari þróun Köru ásamt því að aukinn kraftur verður settur í sölu og markaðsetningu í Skandinavíu,“ segir Þorbjörg Helga Vigfúsdóttir framkvæmdastjóri Köru connect.

• Blogga um frétt