Moody's hækkar lánshæfiseinkunn Spánar

Alþjóðlega matsfyrirtækið Moody's hefur hækkað lánshæfiseinkunn spænska ríkisins og segir ástæðuna þá að góðar horfur séu fyrir aukinn hagvöxt og bankakerfi landsins hafi styrkst.  

Einkunnin var hækkuð í Baa1 með stöðugum horfum. Matsfyrirtækin Fitch og S&P Global hækkuðu einnig lánshæfseinkunnir Spánar fyrr á þessu ári.

Öll helstu matsfyrirtæki heims lækkuðu lánshæfiseinkunn Spánar árið 2012 þar sem óttast var, að spænska ríkið kynni að þurfa á fjárhagsaðstoð að halda vegna slæmrar stöðu þarlendra banka. En undanfarin ár hefur efnahagur Spánar batnað hratt og hagvöxtur hefur verið um 3%. 

• Blogga um frétt