Vísitala íbúðaverðs á höfuðborgarsvæðinu lækkaði um 0,1% í mars, samkvæmt nýútgefnum tölum Þjóðskrár Íslands.

Fjölbýli hækkaði í verði um 0,2% í mánuðinum en sérbýli lækkaði hins vegar um 1,1%. Raunverð íbúða lækkaði um 0,6% á milli mánaða.

Áfram hægir á 12 mánaða hækkunartakti íbúðaverðs á höfuðborgarsvæðinu, að því er kemur fram í tilkynningu Íbúðalánasjóðs.

Þróun íbúðaverðs á höfuðborgarsvæðinu. Tafla/Íbúðalánasjóður

Undanfarna 12 mánuði hefur íbúðaverð hækkað um 7,7% sem er minni árshækkun en mælst hefur síðan í mars 2016. Árshækkun raunverðs íbúða mælist nú um 4,8%, en það er minnsta hækkun sem mælst hefur síðan í febrúar 2016 þegar 12 mánaða hækkun raunverðs var svipuð og nú.

Þótt sérbýli hafi nú lækkað í verði annan mánuðinn í röð er 12 mánaða hækkun sérbýlis enn meiri en 12 mánaða hækkun fjölbýlis. Undanfarið ár hefur sérbýli á höfuðborgarsvæðinu hækkað um 8,1% en fjölbýli um 7,3%.

594 kaupsamningum um íbúðarhúsnæði á höfuðborgarsvæðinu var þinglýst í mars sem er 134 samninga aukning frá mánuðinum á undan og flestir samningar innan mánaðar það sem af er ári, eins og sjá má á meðfylgjandi mynd. Þeir voru hins vegar um 18% færri en í sama mánuði árið áður.

Tengdar fréttir

Húsnæðismarkaðurinn

Nýjar íbúðir á Völlunum rjúka út

• Gerir ráð fyrir 150 samningum í næstu viku
• Ekki byggt í takt við áform sveitarfélaga
• „Maður sefur ekki á næturnar“
• „Það er skiljanlegt að þolinmæði þeirra sé lítil“

» Fleiri tengdar fréttir

• Blogga um frétt