Fyrsti áfangi kvikmyndavers RVK Studios í Gufunesi á fimmtudaginn verður opnaður. Húsnæðið á svæðinu hýsti áður Áburðarverksmiðjuna en þar mun rísa eitt stærsta kvikmyndaver Norðurlanda.
Í fréttatilkynningu um opnunina segir að ýmis fyrirtæki flytji kvikmyndaframleiðslu sína á nesið, sem og sprotafyrirtæki í skapandi greinum. Þá mun einnig rísa íbúabyggð og hótel í Gufunesi.
Borgarstjóri mun kynna deiliskipulag svæðisins á opnuninni fyrir gestum og Páll Hjaltason, arkitekt, kynnir uppbyggingaráform RVK Studios. Þá mun Baltasar Kormákur leikstjóri leikstýra tökum á Ófærð á þessum opnunardegi kvikmyndaversins en nú standa yfir tökur á nýrri þáttaröð.