Tryggingastofnun flytur í Hlíðasmára
Þorsteinn Friðrik Halldórsson
Setja bókamerki
Gengið hefur verið til samninga við fasteignafélagið Reginn um að Tryggingastofnun leigi húsnæðið að Hlíðasmára 11 til að hýsa starfsemi sína.
Samkvæmt heimildum mbl.is eru viðræður nýhafnar og er stefnt að því að flytja starfsemi stofnunarinnar í nóvember. Reginn á allt húsnæðið og hefur núverandi leigutökum verið greint frá viðræðunum. Á meðal þeirra eru skrifstofa Rúmfatalagersins, Norðlenska og Tryggingamiðlun Íslands.
Húsnæðið telur tæpa 2600 fermetra á fjórum hæðum en meginstarfsemi Tryggingastofnunar verður á þremur hæðum. Starfsmenn stofnunarinnar er nú um 110 talsins.
Greint var frá því á mbl.is í vetur að tekin hefði verið ákvörðun um að flytja Tryggingastofnun ríkisins úr húsnæði sínu við Laugaveg þar sem hún hefur verið í áratugi, vegna myglu. Ríflega 20 starfsmenn Tryggingastofnunar höfðu veikst eða fundið fyrir vanlíðan sem var rakin til myglunnar.
Myglan greindist fyrst í húsnæðinu undir lok desember 2016. Fyrst um sinn var reynt að hreinsa mygluna út úr húsnæðinu og fólk var flutt til í húsinu en það gekk ekki upp.
Þrjú og hálft ár fyrir skotárás í Úlfarsárdal
Starfsfólk gæti fengið reikning frá Skattinum
Benda á Samgöngustofu sem bendir út í heim
Mikil skjálftavirkni á landinu áhyggjuefni
Kveðst tala af virðingu: „Ég er enginn dóni“
„Þögnin er ærandi“
Ofsóttur innan veggja Boeing
„Menn eru bara búnir að forgangsraða“