Salerni Starbucks öllum opin

Salerni á stöðum Starbucks-kaffihúsakeðjunnar verða héðan í frá öllum opin. Sömu sögu er að segja um veitingasalina, bæði innan dyra og utan. Fólk getur komið þar saman þó að það kaupi ekki drykki á stöðunum.

„Hver sá sem kemur inn í okkar rými, þar á meðal verandir, kaffihús og salerni, hvort sem þeir eru að versla eða ekki, eru álitnir kúnnar,“ segir í tölvupósti frá stjórnendum Starbucks til starfsmanna sinna á föstudag.

Frétt af mbl.is

Biðst afsökunar á handtöku á Starbucks

Breytingin á aðgenginu er gerð í kjölfar almennrar óánægju á því hvernig starfsmenn Starbucks í Fíladelfíu komu fram við tvo svarta karlmenn á staðnum nýverið. Mönnunum var vísað á dyr og meinað að nota salerni þó að þeir segðust vera þangað komnir til að bíða eftir vini sínum. Starfsmenn hringdu á lögregluna sem vísaði mönnunum út.

Starbucks hafði áður sagt að þetta stæði til en í pósti til starfsmanna kaffihúsanna kemur fram að nú hafi þessi nýja stefna tekið gildi.

Frétt CNN.

• 1 blogg um fréttina

Bloggað um fréttina

• Jóhann Elíasson: HVERJUM HÉRNA Á ÍSLANDI ER EKKI SKÍTSAMA??????