Laun hafa hækkað um 7,3%

Launavísitala hækkaði um 0,3% á milli apríl og mars en síðastliðna tólf mánuði hefur launavísitalan hækkað um 7,3%.

Þetta kemur fram í frétt á vef Hagstofu Íslands. Kaupmáttur launa hækkaði um 0,3% á sama tímabili en síðustu tólf mánuði hefur vísitala kaupmáttar launa hækkað um 4,9%.

Launavísitala er verðvísitala sem byggist á gögnum úr launarannsókn Hagstofu Íslands og sýnir breytingar á verði vinnustundar fyrir fasta samsetningu vinnutíma. Vísitala kaupmáttar launa byggir á launavísitölu og vísitölu neysluverðs. Almennt eykst kaupmáttur launa þegar laun hækka umfram verðlag en minnkar þegar verðbólga er meiri en launahækkanir. 

• 1 blogg um fréttina

Bloggað um fréttina

• Páll Vilhjálmsson: Laun hækka án samninga - óþörf verkalýðshreyfing