Mikil lækkun á mörkuðum

Verð á hlutabréfum hefur lækkað mikið í Mílanó og Madríd í morgun en lækkunin í ítölsku kauphöllinni er rakin til stjórnarkreppu í landinu. Í spænsku kauphöllinni hafa hlutabréf fjármálafyrirtækja lækkað mest. Í ríkjunum báðum nemur lækkunin rúmum 3%. 

Eins hefur bilið milli ávöxtunarkröfu milli þýskra og ítalskra ríkisskuldabréfa aukist mikið það sem af er degi.

Í Madríd lækkuðu hlutabréf í Santander-bankanum, sem er stærsti banki evrusvæðisins að markaðsvirði, um 6% og BBVA-bankinn lækkaði um 3,83%. Lækkunin á Spáni er rakin til vantrausttillögu á hendur forsætisráðherra landsins, Mariano Rajoy, sem greidd verða atkvæði um síðar í vikunni. Vantraustið tengist spillingarmáli sem flokkur forsætisráðherrans er bendlaður við.

• 1 blogg um fréttina

Bloggað um fréttina

• Páll Vilhjálmsson: Evran þolir ekki lýðræði