Vefurinn European CEO hefur útnefnt Róbert Wessman, forstjóra lyfjafyrirtækisins Alvogen, sem forstjóra ársins í lyfjaiðnaðinum. Viðurkenningin er rökstudd með uppgangi Alvogen í Bandaríkjunum og Mið- og Austur-Evrópu.
Róbert Wessman hóf störf í lyfjaiðnaðinum fyrir um 20 árum hjá fyrirtækinu Delta, undanfara Actavis. Alvogen er með starfsemi í 35 löndum og hjá fyrirtækinu starfa um 2.800 starfsmenn. Fyrirtækið sérhæfir sig í þróun og framleiðslu samheitalyfja, lausasölulyfja og líftæknilyfja.