Leiga hækkað meira en laun og íbúðaverð

mbl.is/Sigurður Bogi Sævarsson

Vísitala leiguverðs á höfuðborgarsvæðinu hækkaði um 1,1% í maí samkvæmt nýbirtum tölum Þjóðskrár Íslands. Árshækkun leiguverðs, samkvæmt þinglýstum leigusamningum, mælist nú 7,2% og mælist bæði ofar árshækkun íbúðaverðs og launa.

Þetta kemur fram í fréttatilkynningu frá Íbúðalánasjóði. Bent er á að laun hafi hækkað um 2,3% í maí sem er mesta hækkunin sem hefur mælst milli mánaða síðan í maí 2017 samkvæmt launavísitölu Hagstofu Íslands. Hækkunina í maí 2018 og eins maí 2017 megi rekja til samningsbundinna launahækkana á almennum markaði. 

„Þrátt fyrir það mælist árshækkun launa nú 6,3% sem er um prósentustigi lægra en árshækkun leigu.“

Íbúðaverð á höfuðborgarsvæðinu hækkaði um 1,1% milli mánaða í maí sem er mesta hækkun sem orðið hefur milli mánaða síðan í maí 2017. Árshækkun íbúðaverðs mælist þó lægri en bæði árshækkun leiguverðs og launa, eða 4,6% sem skýrist af rólegri takti í hækkun íbúðaverðs síðustu mánuði, að því er kemur fram í fréttatilkynningunni. 

„Athygli vekur að hækkunin í maí á leiguverði, íbúðaverði og launum var í öllum tilfellum ofar meðalhækkuninni milli mánaða frá því að mánaðarlegar mælingar hófust á leiguverði við upphaf árs 2011. Varhugavert er þó að lesa of mikið í einstaka mælingar milli mánaða þar sem þessar geta flökt milli mánaða,“ segir í tilkynningunni. 

„Þegar stærðirnar eru skoðaðar í sögulegu samhengi má sjá að fyrir um tveimur árum síðan fór íbúðaverð að hækka talsvert hraðar en leiguverð og laun en vísbendingar eru um að stærðirnar séu nú í auknum mæli að þróast í takt við hvor aðra. Það misvægi sem varð á milli þróunar fasteigna- og leiguverðs virðist því að nokkru leyti hafa gengið til baka undanfarna mánuði.“

mbl.is
Fleira áhugavert
  ISK
  USD
  EUR
  GBP
  CAD
  DKK
  NOK
  SEK
Fleira áhugavert
  ISK
  USD
  EUR
  GBP
  CAD
  DKK
  NOK
  SEK