Hópur fjárfesta með aðsetur í Mónakó er að láta hanna hótelþorp við Heyklif við Stöðvarfjörð.

Alexander Efanov, framkvæmdastjóri verkefnisins, segir hugmyndina þá að byggja gistiskála fyrir vandláta, sem falla vel inn í landslagið. Þá verði byggt 40 herbergja hótel og á annan tug smáhýsa. Benda teikningar til framúrstefnulegrar hönnunar í þorpinu.

Alexander telur raunhæft að fyrsti áfangi hótelþorpsins verði tekinn í notkun árið 2020. Byggingarnar verði reistar í áföngum.

Heyklif við Stöðvarfjörð. Ljósmynd Alexander Efanov

Hann segir kostnað við verkefnið ekki liggja fyrir. Miðað við umfangið má ætla að það kosti yfir milljarð.

Verkefnið er meðal annars unnið í samstarfi við ráðgjafafyrirtækið BEKA sem komið hefur að byggingu hótela við Jökulsárlón og Mývatn.

Alexander segir hér farnar nýjar leiðir í ferðaþjónustu á Íslandi. Áhersla verði lögð á að gestir gistiskálanna upplifi sig eina í náttúrunni. Markmiðið sé að fá fólk til að dvelja í nokkra daga.

Tengdar fréttir

Ferðamenn á Íslandi

Mikilvægt að vera á tánum

• Ferðaþjónusta aldrei vegið þyngra í landsframleiðslu
• Innviðir komnir að þolmörkum
• „Var lengi vel eini vinur ferðaþjónustunnar“
• „Hækkun VSK á ferðaþjónustu er þjóðhagslegt óráð“

» Fleiri tengdar fréttir