VR skorar á atvinnurekendur að gefa verslunarfólki frí á mánudaginn og láta frídag verslunarmanna þar með standa undir nafni. 

Í fréttatilkynningu sem VR sendir frá sér vegna áskorunarinnar segir að fólk hafi oft á orði að það sé einkennilegt að eina fólkið sem raunverulega þurfi að vinna á frídegi verslunarmanna sé verslunarfólkið.

Þó að fleiri vinni vissulega þennan dag en verslunarfólk, þá sé það miður að síðustu ár hafi það færst í aukana að verslanir og þjónustufyrirtæki hafi opið á frídegi verslunarmanna. Þetta geri það að verkum að verslunarfólkið, sem dagurinn er sérstaklega helgaður, þurfi í of mörgum tilvikum að standa vaktina. 

Dagurinn sé stórhátíðardagur samkvæmt kjarasamningum VR og á slíkum dögum er ekki vinnuskylda, nema samið hafi verið um slíkt milli launamanns og atvinnurekanda. 

Tengdar fréttir

Verslunarmannahelgin 2018

5 líkamsárásir og 3 kynferðisbrot

• Engin kynferðisbrot tilkynnt Landspítala
• Með tvö kynferðisbrot til rannsóknar
• Ferðalangar varaðir við hvassviðri
• Leituðu skjóls vegna vinds og vætu

» Fleiri tengdar fréttir

• 1 blogg um fréttina

Bloggað um fréttina

• Kolbrún Hilmars: Engin vinnuskylda á frídegi verslunarmanna