Stoðtækjafyrirtækið UNYQ hefur ákveðið að skrá sig á First North-markaðinn í Stokkhólmi, og verða þar með fyrsta bandaríska fyrirtækið á þeim markaði.
Eyþór Bender, forstjóri félagsins, segir í samtali við ViðskiptaMoggann að gaman væri að sjá íslenska lífeyrissjóði sem hluthafa í félaginu.
„First North-markaðurinn er mjög áhugaverður fyrir minni fyrirtæki. Sú reynsla mín hjá Össuri og Ekso Bionics, að fara á markað snemma, reyndist vel. Össur notaði skráninguna á markað til að stækka með uppkaupum á fyrirtækjum í sama geira, og það er eitthvað sem við horfum til einnig.“