Umtalsvert færri fljúga innanlands
Setja bókamerki
Nærri sjö þúsund færri flugu innanlands í júlí í ár en á sama tíma í fyrra. Breytt samsetning erlendra ferðamanna hefur þar mikil áhrif. Þetta kemur fram í umfjöllun Túrista.
Rétt rúmlega 77 þúsund farþegar flugu innanlands í júlí og er það samdráttur um 6 þúsund farþega frá sama tíma í fyrra. Til samanburðar fækkaði farþegum í innanlandsflugi samtals um 8 þúsund á fyrri helmingi ársins og niðursveiflan í júlí því mikil.
Árni Gunnarsson, framkvæmdastjóri Air Iceland Connect, segir að skýringuna á þessari þróun sé að meðal annars að finna í breyttri samsetningu erlendra ferðamanna. Árni gerir ráð fyrir sambærilegri þróun í nýliðnum ágúst en tölur fyrir mánuðinn liggja ekki fyrir.
Ásgeir Örn Þorsteinsson hjá flugfélaginu Erni segir að þar á bæ hafi orðið fækkun í fluginu til Húsavíkur líkt og við var að búast því stórum framkvæmdum þar sé nánast lokið. Slæmt veður dró úr eftirspurn eftir útsýnisflugi frá Reykjavík og eins flugferðum til Vestmannaeyja.
Myndskeið: Braut rúðurnar og rölti svo í burtu
„Þögnin er ærandi“
Benda á Samgöngustofu sem bendir út í heim
Aðhald, frestun og eignasala
Mikil skjálftavirkni á landinu áhyggjuefni
Starfsfólk gæti fengið reikning frá Skattinum
/frimg/1/48/52/1485260.jpg)
Ölfusárbrú opnuð aftur eftir bílslys