Primera Air hefur birt tilkynningu á heimasíðu sinni þar sem fram kemur að félagið muni hætta starfsemi frá og með morgundeginum, 2. október, en líkt og mbl.is greindi frá fyrr í dag mun félagið leggja fram beiðni um gjaldþrotaskipti á morgun. Starfsmenn höfðu fengið tölvupóst þar sem þeim var tilkynnt að þetta ætti bæði við um Primera Air Nordic og Primera Air Scandinavia.

Frétt af mbl.is

Primera Air gjaldþrota

Í tilkynningunni á heimasíðunni er farþegum þakkað fyrir samfylgdina. „Fyrir hönd starfsfólks Primera Air viljum við nota tækifærið og þakka ykkur fyrir hollustuna. Á þessum sorglega degi kveðjum við ykkur öll.“

Farþegum er bent á að fylgjast með heimasíðunni næstu daga til að fá frekari upplýsingar um stöðu mála. Þeim sem eiga bókað flug með Primera Air í gegnum ferðaskrifstofur er bent á að hafa samband við þann þjónustuaðila til að fá frekari upplýsingar um næstu skref.

Tekið er fram að ekki verði hægt að nálgast upplýsingar frá Primera Air í gegnum tölvupóst eða síma félagsins.

Tengdar fréttir

Sviptivindar í flugrekstri

Ernir hyggst skila inn flugrekstrarleyfi

• Fjórtán segja upp hjá Play
• Tilboð sem flugmenn Play þurfa að svara í dag
• Play tekur á móti nýrri þotu
• Hvað tekur við eftir „afsláttarárin“?

» Fleiri tengdar fréttir

Primera Air gjaldþrota

Arion tapaði 3 milljörðum á Primera

• Tíu milljarða kröfur á Íslandi
• Gaf engin fyrirheit um lán
• 4,6 milljónir og einn bíll í búinu
• Kröfurnar rúmir 16 milljarðar

» Fleiri tengdar fréttir

• Blogga um frétt