Tesco Bank sektaður um milljarða

Breski bankinn Tesco Bank hefur verið sektaður um 16,4 milljónir punda, um 2,4 milljarða íslenskra króna, af breska fjármálaeftirlitinu vegna ófullnægjandi öryggisráðstafana bankans sem komu í ljós í kjölfar netárásar sem gerð var á Tesco Bank í nóvember árið 2016.

Í frétt BBC kemur fram að bankinn hefði ekki gert allt sem í hans valdi stóð til að vernda innistæðueigendur. Netræningjarnir stálu 2,26 milljónum punda en Tesco Bank hefur gefið það út að öll sú fjárhæð hafi verið endurgreid til þeirra sem áttu í hlut.

Í yfirlýsingu fjármálaeftirlitsins kom fram að hægur vandi hefði verið að koma í veg fyrir árásina og að Tesco hefði ekki tekist á við hana af nægilegri festu.

Frétt BBC í heild sinni.

• Blogga um frétt