Tíu manns sagt upp hjá WOW air
Setja bókamerki
Tíu starfsmönnum var sagt upp störfum hjá flugfélaginu WOW air um mánaðamótin. Þetta staðfestir Svanhvít Friðriksdóttir, upplýsingafulltrúi félagsins, í samtali við mbl.is.
Uppsagnirnar tengjast hagræðingaraðgerðum innan flugfélagsins. Ekki fengust upplýsingar um það í hvaða deildum starfsmennirnir sem missa vinnuna hafa starfað.
WOW air tilkynnti í gær að flugfélagið væri hætt að fljúga til þriggja áfangastaða yfir vetrarmánuðina í hagræðingarskyni; Stokkhólms, Edinborgar og San Francisco. Félagið mun aflýsa flugferðum til þessara staða frá 5. nóvember fram í byrjun apríl á næsta ári.
Samkeppnisaðilinn Icelandair tilkynnti í lok síðasta mánaðar að á þriðja tug starfsmanna hefði verið sagt upp störfum hjá flugfélaginu í ýmsum deildum þess bæði í Reykjavík og á starfsstöðvum félagsins í Reykjanesbæ og Hafnarfirði.
Þá er stutt síðan flugfreyjum og flugþjónum í hlutastarfi hjá Icelandair var gert að velja á milli þess að ráða sig í fulla vinnu hjá fyrirtækinu frá og með næstu áramótum eða láta af störfum.
Tóku upp hanskann fyrir leikskólabörn
Skemmtiferðaskip hætt komið nærri Viðey
Vélsleðaslys: Þyrlan kölluð út á mesta forgangi
Hernaðaraðstoð samþykkt – Vopnasendingar í vikunni
„Okkur miðar í rétta átt“
„Hvílir mikil leynd yfir þessu öllu“