Semur við BOC Aviation um fjármögnun á fyrirframgreiðslum flugvéla

Icelandair Group hefur gengið frá samningi við BOC Aviation um fjármögnun á fyrirframgreiðslum á Boeing 737 MAX flugvélum félagsins sem eru til afhendingar árin 2019 og 2020.

Áætlaður afhendingardagur síðustu vélanna er í mars 2020.

Samtals mun fjármögnunin nema um 200 milljónum dala á tímabilinu, sem samsvarar rúmum 23 milljörðum kr., og sjóðsstaða félagsins hækkar um 160 milljónir dala, um 18 milljarða kr., í kjölfar samningsins, að því er fram kemur í tillkynning frá Icelandair Group til Kauphallar Íslands.

Þá segir, að til viðbótar hafi félögin samið um sölu og endurleigu á tveimur af þeim Boeing 737 flugvélum sem samningurinn nái yfir. Önnur þessara flugvéla verði afhent á árinu 2019 og hin árið 2020. Leigutími vélanna sé 12 ár með kauprétti að loknum 30 mánaða leigutíma.

• Blogga um frétt