Skattamál Sigur Rósar hjá ákærusviði saksóknara

Skattamál liðsmanna Sigur Rósar er komið til ákærusviðs hjá embætti héraðssaksóknara og rannsókn málsins lokið. Ekki er ljóst hvort, eða hvenær, ákæra verður gefin út í málinu.

Greint er frá þessu á vef Ríkisútvarpsins.

Fram kom í fréttum í mars á síðasta ári að sýslumaðurinn á höfuðborgarsvæðinu hefði kyrr­sett eign­ir liðsmanna Sig­ur Rós­ar, að kröfu toll­stjóra. Kyrrsetningin varðaði eignir upp á 800 milljónir króna.

Georg Holm, bassa­leik­ari Sig­ur Rós­ar, greindi frá því sama dag að allt væri uppi á borðum hjá hljómsveitinni.

Frétt af mbl.is

Eignir fyrir 490 milljónir kyrrsettar

Héraðsdómur Reykjavíkur staðfesti kyrrsetninguna í ágúst. Þar kom fram að meint skatta­brot þre­menn­ing­anna hafi verið í rann­sókn frá því í janú­ar 2016 og nær til tekju­ár­anna 2010-2014.

Enn fremur kom þar fram að skatta­yf­ir­völd telji meint brot mjög al­var­leg sem falli und­ir 262. grein al­mennra hegn­ing­ar­laga, en brot á þeirri grein varða allt að sex ára fang­elsi, eða fé­sekt.

• Blogga um frétt